Sono Ka Jaman Harita…

Mun inget jaman baheula, sok hayang jadi budak leutik deui. Biasana lamun bulan puasa kieu, kuring ngendong di imah nini jeung aki (biasa di sebut Amih jeung Apih). Asa di ogo pisan, keur mah imah na kaitung di pasisian. Ayeuna mah tibalik. Kulantaran amih geus teu aya,(almh) Apih ayeuna diurus ku pun biang.

Baheula,keur leutik ,mun beres sahur, sok ngahaja di sampeur ku babaturan,aya kana 5-an mah,tuluy ngabring indit ka masjid. Beres shalat shubuh jeung ngaji teh kira-kira jam satengah genep (5.30) isuk isuk. Tidinya teh, tara langsung balik, tapi tuluy ulin ka imah salah sahiji babaturan, ngadon ulin conglak jeung beklen.

Geus beres maen beklen, balik ka imah tuluy sakola. Beres sakola jeung babaturan jangjian rek ulin karet (loncat tinggi). Jiga nu euweuh kacape, tuluy ulin galah sin, sorodot gaplok,sondlah. Tapi ulin na lain di buruan, di mana cik ?

Di Lio. Apal Lio teu? Lio teh saung gede paragi nyieun jeung nyimpen batu bata beureum. Ayana di tengah sawah. Lamun cicing dijero lio, tiis pisan. Enya oge panonpoe keur mentrang, tapi di lio mah teu karasa panas. Suhunan lio dijieun tina ijuk. Angin ngahiliwir, asa surga dunia lah.. hehe

Mun geus bedug ashar,tuluy ngaji. Beres ngaji jam satengah 5 sore,kakara riweuh neangan tajil keur buka. Dahareun nu diteangan teh lain kolek atawa candil. Tapi kurupuk gejebur, tutut jeung cireng bumbu. Ahh..geus lah..jadi sono ka jaman harita..

Jaman kiwari,barudak geus teu apal jeung tara manggihan barudak nu ulin sorodot gaplok, loncat tinggi, beklen,congklak,sondlah!. Lamun kurupuk gejebur, tutut, jeung cireng mah aya keneh nepi ayeuna ge !! hehe..

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s